STORMWATCHING

På ein stad som Bulandet seier det seg sjølv at været kan være røft - og havet tøft. ;-) Du er i alle fall tett på elementa når du er her ute -og er det storm finnast det lite å gjøyme seg bak. Du bør være godt kledd,  og ellers bruke vet, så du ikkje utset deg sjølv for fare med å gå FOR nær. Husk; Du er nær nok! ;-)

SMÅBÅTTURAR

Ein kan leige ein båt med påhengsmotor, og bruke dagen til å kjøyre gjennom sunda mellom alle dei 365 ++ holmane. Ta seg tid til ein liten lunsj på ei øde øy, før ein fiskar litt etter middagsmat på veg tilbake til rorbua.

SUNSETWATCHING

Det andre ein kan være heldig å oppleve når ein er i Bulandet er sjølvsakt nåkre utruleg flotte solnedganger - som ikkje treng særleg meir forklaring. ;-) Noko lite å sitte på, kanskje nokon å sitte med.. ;-) Ei medbrakt  flaske vin - eller termos med kaffi. Det skal ikkje så mykje til - men ein kan rekne med at det vil ta litt tid før ein vender tilbake...

KAJAKKPADLING

Bulandet er også ein fantastisk plass å padle kajakk. Her er "ny" utsikt kvar gong du rundar ein holme. Du kan padle trygt i smult farvatn mellom øyane - eller driste deg ut i storhavet, som berre er nåkre få padletak unna.

SYKLING

Det er gode forhold for sykling - vegen har lite motbakkar, så ein brukar energien til å sjå seg om i staden. ;-) Sykle mellom Bulandet og Værlandet, over bruer med flott utsikt, og mellom alle øyane, med små vikar og sund over alt. Syklar kan leigast på Joker-butikkane både i Bulandet og på Værlandet.

TOPPTUR PÅ ALDEN

380 graders utsikt frå toppen av eit fjell midt i havet. Alden - også kalla den Norske hesten - er ein topptur dei fleste kan klare. Skyss over Aldefjorden kan tingast på førehand.

NORDSJØLØYPENE

Dette er en flott plass for deg å fortelle folk mer om bedriften din, og tjenestene du tilbyr. Vil du gjøre dette innholdet til ditt eget? Det er enkelt. Bare legg til bilder, tekst og lenker i denne preseten, eller koble til data fra samlingen din.

FUGLEKIKKING

I Bulandet og Værlandet landar det mange slags fuglar - både dei som naturleg høyrer til her - og mange andre. Dei treng vel ein kvil, og når dei først har landa her, så tek dei seg ofte like godt ein lengre ferie. ;-) Fuglar er nok ikkje så dumme. 

FLORA og FAUNA-TELJING

Fugl, fisk, dyr, blomar og stein i alle fargar. Det er berre å telje etter kvart som du oppdagar dei alle. 

TEMAPARK-VITJING

Bygdemuseèt "Temaparken" - som fekk undertittelen "Bulandet i fortid og notid" er ei lita skattekiste, og vel verd å vitje under opphaldet her i Bulandet. 

KAMSKJELL-RASTING

Har du sett verda få eit kamskjell før? Kanskje ser den ikkje så annleis ut - men du får sjansen til å være perla. ;-) Du finn to av desse i området.

PUB_QUIZ

På kafeen vår "Havsalaten", som ligg i samme bygg som Joker Bulandet, har det med ujamne mellomrom - men normalt sett ofte nok ;-) - vore arrangert Pub-Quiz. I 2020 og så langt i 2021 har det vore stilt på den fronten, då det ikkje er grunn til å utfordre coronaen.  Men når det løyser seg, får vi tru at Quiz-kveldane tek seg opp att - Til glede for både innbuarar og tilreisande.

Friluftskunst og glede

Rundt på øyane kan du finne mange små og store kunstverk - nåkre laga av profesjonelle kunstnarar - Men dei aller fleste er laga og sett på plass av bulendingar - kun fordi det er kjekt. ;-) Når du vandrar i vegane her ute, er det berre å bruke auga, så oppdagar ein forskjellig. 

Geologi

I konglomeraten sitt rike er det så mange typar stein at du aldri kjem i mål med å telje. ;-) Fantastisk vakkert er det og.

Bulandet kort fortalt; eit konglomerat av øyar - øyar av konglomerat. ;-)

Leikeplass for alle

Leikeplassen på Gjelsa var i utgangspunktet laga til då barnehagen vart starta i 1980. Den var privat - med anlagt uteområde på privat grunn, i tillegg til leigd lokale. Då gjekk borna i "tau-rekke" langs vegen mellom inne-areal til ute-areal to gongar for dagen. ;-) Etter at kommunen tok over barnehagen, og bygde eigne lokaler i samband med Bulandet skule, gjekk den gamle uteparken over til "allemannsbruk". Lokale eldsjeler held det på stell. 

StarGazing

Stjernene er nok ikkje nærare her enn andre stader - men himmelen er vidare, og konkurrerande lys er det lite av. I klåre netter er det difor gode forhold for å telje og beundre stjernene - og til å undre seg over kor små vi faktisk er her på denne kloden. <3

Ja, det hender vi ser nordlys og - men mest på slump.  ;-)